មានការភ្ញាក់ផ្អើលជាខ្លាំង នៅពេលឃើញរូបលោក ព្រាប សុវត្ថិ ក្នុងវីដេអូក្រៅឆាកមួយនេះ (មានវីដេអូ)

ក្រុមគ្រួសារលោក ព្រាប សុវត្ថិ ត្រូវបានមហាជន កំពុងតែមានការកក់សំគាល់ជាខ្លាំង ដោយពួកគាត់មួយចំនួនបានលើកឡើងថា ជាក្រុមគ្រួសារមួយដែលមានភាពកក់ក្តៅបំផុត នេះក៏ដោយសារតែលោក ព្រាប សុវត្ថិ និងភរិយាមានការយកចិត្តទុកដាក់កូនទាំងបីរបស់ខ្លួនជាខ្លាំង គឺ សុវត្ថិ មុនីវណ្ណ សុវត្ថិ មុនីនាគ និង សុវត្ថិ សិរីវុឌ្ឍ។

ជាក់ស្តែងកាលពីពេលកន្លងទៅនេះ គេឃើញក្នុង YouTube មួយបានបង្ហោះនូវវីដេអូពីកូនរបស់លោកព្រាប សុវត្ថិ ព្រមជាមួយការដាក់ចំណងជើងថា "វីដេអូក្នុងពេលត្រៀមថតសម្ភាស"។ ហើយអ្វីដែលបានធ្វើឲ្យគេមានការចាប់អារម្មណ៍កាន់តែខ្លាំងនោះគឺ លោក ព្រាប សុវត្ថិ និងភរិយា មានការយកចិត្តទុកដាក់យ៉ាងខ្លាំងចំពោះកូនទាំងពីរនេះ ដោយលោក ព្រាប សុវត្ថិ កំពុងមានការបង្វឹក និងភរិយាមានការរៀបចំខ្លួន ជាមួយការតុបតែងដល់កូនៗរបស់ពួកគេផងដែរ។

នៅមិនទាន់អស់ឡើយ ដោយកាលពីម្សិលមិញនេះ គេឃើញលោក សុវត្ថិ មុនីនាគ បានបង្ហោះវីដេអូសកម្មភាពក្រៅឆាក របស់បទចម្រៀងមួយបទក្រោមចំណងជើងថា "កែវភ្នែក"។ ក្នុងបទចម្រៀងមួយបទនេះ អ្វីដែលគេមានការសង្កេត និងចាប់អារម្មណ៍ខ្លាំងបំផុតនោះគឺឃើញលោក ព្រាប សុវត្ថិ ក្នុងសកម្មភាពថតបទមួយនេះផងដែរ។ ដូចនេះរឹតតែធ្វើឲ្យអ្នកគាំទ្រជាច្រើនបានលើកឡើងថា លោក ព្រាប សុវត្ថិ ពិតជាមានការយកចិត្តទុកដាក់ខ្ពស់ខ្លាំងណាស់ ចំពោះកូនទាំងបីរបស់គាត់ បើទោះបីជាពួកគាត់ទាំងនោះមានវ័យធំហើយក៏ដោយ។ ដូចនេះដើម្បីជ្រាបកាន់តែច្បាស់ សូមទស្សនាវីដេអូ នៃសកម្មភាពក្រៅឆាកមួយនេះទាំងអស់គ្នាដូចខាងក្រោម៖