ដៃគូចាស់ សម្តែងថ្មី ពីនាយកុយ និងនាយក្រឹម ធ្វើឲ្យមហាជនពេញចិត្តស្តូក (មានវីដេអូសើចចុកពោះ)

ជាច្រើនឆ្នាំកន្លងផុតហើយក្តី ក៏ក្នុងកែវភ្នែកទស្សនិកជនមិនទាន់ភ្លេចឡើយពីការសម្តែងរួមគ្នាពីតារាកំប្លែងជើងចាស់ពីររូប គឺនាយក្រឹម និងនាយកុយ ហើយនៅពេលនេះពួកគាត់ចាប់ផ្តើមអាយុច្រើន ព្រមទាំងមានកូនរៀងៗខ្លួនផងដែរ តែប្រជាប្រិយរបស់ពួកគាត់ទាំងពីរនៅតែមាន ឲ្យតែពួកគាត់ចេញសម្តែងមកម្តងណានោះ គឺតែងតែធ្វើឲ្យទស្សនិកជនសើចឡើងចុកពោះតែម្តង នេះក៏ដោយសារពាក្យពេជន៍ស៊ីចង្វាក់របស់ពួកគាត់។

ដោយសារតែនៅមានប្រជាប្រិយខ្លាំងដូចនេះ ហើយក៏ចង់ឆ្លើយតបតាមការចង់បានពីទស្សនិកជនផងដែរ ដោយចង់ឲ្យពួកគាត់ទាំងពីរនាក់សម្តែងជាមួយគ្នាឡើងវិញ ព្រោះខានឃើញពួកគាត់យូរណាស់ហើយ។ ស្រាប់តែពេលនេះ អ្វីដែលមហាជនចង់បាននោះពិតជាមិនខុសបំណងឡើយ ដោយគេបានឃើញក្នុងទំព័រហ្វេសប៊ុករបស់កម្មវិធីសំណើចមួយ បានបង្ហោះរូបភាពសកម្មភាពនាយកុយ និងនាយក្រឹម បានសម្តែងនៅតាមភូមិ ស្រុក មួយ។

ចំណែកកាលពេលកន្លងទៅនេះ គេក៏បានឃើញកំពូលតារាកំប្លែងទាំង២ដួងនេះ បានបង្កភាពភ្ញាក់ផ្អើល ដល់មហាជនខ្លាំងមែនទែន ដោយអ្នកទាំង២បានចាប់ដៃគ្នាឡើងវិញ ដើម្បីធ្វើការសម្តែងរួមគ្នា នៅលើឆាកតន្ត្រី ក្នុងកម្មវិធីមួយរបស់ស្ថានីយ៍ទូរទស្សន៍អាស៊ីអាគ្នេហ៍ ដែលបានធ្វើឲ្យមហាជនទូទៅសើចឡើងចុកពោះទៅហើយ ដែលពួកគេទាំងនោះខានឃើញការសម្តែងបែបនេះយូរមកហើយ។ 

បន្ទាប់ពីឃើញដូចនេះហើយ បានធ្វើឲ្យអ្នកគាំទ្រមួយចំនួនមានការសប្បាយចិត្តខ្លាំងមែនទែន នៅពេលដែលឃើញ នាយកុយ បានចាប់ដៃគូជាមូយនឹងដៃគូចាស់របស់ខ្លួនគឺនាយក្រឹមនោះ។ ដូចនេះដើម្បីកុំឲ្យខាតពេលសូមទៅទស្សនាទាំងអស់គ្នា ដើម្បីបំបាត់ភាពតានតឹង និងសប្បាយរីករាយ៕