អាសូរណាស់លោកអើយ!!! ពេលនេះ ទារិកាចម្លែក ដែលមានខ្លួនមួយក្បាល២ បានស្លាប់បាត់ទៅហើយ (មានវីដេអូ)

បើយោងតាមហ្វេសប៊ុរបស់សាច់ញាតិរបស់ក្មេងក្បាល២ ឈ្មោះ KimYan Ket បានបង្ហោះសារដ៏សោកស្តាយបំផុតមួយទាក់ទងក្មេងក្បាលពីរជាប់គ្នា ពេលនេះគាត់បានស្លាប់ទៅហើយ ដោយក្នុងនោះ ហ្វេសប៊ុកខាងលើបានបញ្ជាក់ថា៖ "អាណិតណាស់ក្មួយស្រី មិនដឹងជាកម្មពាអីទើបទៅជាយ៉ាងនេះ សូមក្មួយកើតជាតិណាណាកុំអោយដូចជាតិនេះណា ទោះក្មួយកើតមកមានរូបរាងបែបណាក៏មីងនៅតែស្រលាញ់ចង់អោយក្មួយរស់មានជីវិតដូចគេដែរតែអកុសលក្មួយបានស្លាប់បាត់ទៅហើយ កើតមកបានតែ 4 5 ថ្ងៃក៏ទៅវិញ សែនអាណិត អាណិតហួសថ្លែង

😔

😔"។

គួររំលឹកឡើងវិញផងដែរថា ទារិកាចម្លែក អភ័ព្វ កើតមកមានខ្លួនមួយក្បាល២ បេះដូងមាន៦ថត ត្រូវបានក្រុមគ្រូពេទ្យយកចិត្តទុកដាក់ជួយសង្គ្រោះវះកាត់ បានទាន់ពេលវេលា ទាំងម្តាយ និងកូនរយៈពេល៥ថ្ងៃមកនោះ ត្រូវបានស្លាប់បាត់ទៅវិញនៅក្នុងស្ថានភាពដ៏លំបាក ហេតុការណ៍នេះកើតឡើងកាលពីម៉ោង១០ និង៣០ព្រឹក ថ្ងៃទី៧ ខែមីនា ឆ្នាំ២០១៨ នៅក្នុងមន្ទីរពេទ្យគន្ធបុប្ផាសៀមរាប ។ នៅពេលនេះសពរបស់ទារិកានេះត្រូវបានគេដឹកយកទៅធ្វើបុណ្យ នៅក្នុងវត្តគោកចក ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប។ចំណែកម្តាយក្មេងស្រីអភ័ព្វនោះ ត្រូវបានក្រុមគ្រូពេទ្យហាមមិនទាន់ឱ្យចេញបានទេ ដោយសារមានសភាពទន់ខ្សោយនៅឡើយ។

ហើយក៏សូមបញ្ជាក់ឡើងវិញផងដែរថា ទារិកាដែលកើតមកចម្លែកខុសប្រក្រតីនោះ មានខ្លួនមួយក្បាល២ បេះដូងមាន៦ថត កើតនៅក្នុងមន្ទីរពេទ្យគន្ធបុប្ផាសៀមរាប នាយប់ថ្ងៃសៅរ៍ ទី៣ ខែមីនាឆ្នាំ២០១៨ ស្ថិតក្នុងភូមិត្រពាំងសេះ សង្កាត់គោកចក ខេត្តសៀមរាប ៕