កក្រើកប្លែកទៀតហើយ ១បទនេះច្រៀងដល់ទៅ៤នាក់!!! ពិតជាមិនធម្មតាមែន កញ្ញា រ៉េត ស៊ូហ្សាណា ច្រៀងជាមួយសុទ្ធតែកំពូលតារាចម្រៀង (មានចម្រៀង)

អតីតបេក្ខភាព Cambodian idol រដូវកាលទី១ រ៉េត ស៊ូហ្សាណា ដែលឆក់ឱកាសបានធ្វើជាតួឯកក្នុងរឿង “បិសាចគួរឱ្យស្រលាញ់” នោះ ពេលនេះបានបោះមួយជំហានទៀត គឺក្លាយទៅជាអ្នកតំណាងរបស់ក្រុមហ៊ុនទូរស័ព្ទ Oppo ដូចពេជ្រ សោភា ផងដែរ ដែលធ្វើឱ្យតម្លៃខ្លួនអ្នកចម្រៀងវ័យក្មេងរូបនេះ កើនឡើងខ្ពស់ជាងមុន។

តារា​ចម្រៀង​​វ័យ​ក្មេង​ប្រចាំ​ផលិតកម្ម​ហង្សមាស​ រ៉េត ស៊ូហ្សាណា នាពេលបច្ចុប្បន្នហាក់មានសន្ទុះខ្លាំងគួរឲ្យកក់សំគាល់ក្នុងវិស័យចម្រៀងរបស់ខ្លួន ដោយក្នុងនោះផងដែរមិនត្រឹមតែមានអ្នកគាំទ្រច្រើនប៉ុណ្ណោះទេ សូម្បីតែថៅកែក្រុមហ៊ុនក៏ពេញចិត្តផងដែរ។

ដោយសារតែភាពល្បីល្បាញរបស់នាង ទើបកាលពីម្សិលមិញនេះ គេឃើញក្នុងហ្វេសប៊ុកផ្លូវការរបស់ក្រុមហ៊ុនរស្មីហង្សមាស បានបង្ហោះចម្រៀងមួយបទទៀតហើយ ដោយ ហ្សាណា បានបកស្រាយចម្រៀងរួមគ្នា សុទ្ធតែជាមួយកំពូលតារាចម្រៀង ដោយក្នុងនោះរួមមាន លោក ព្រាប សុវត្ថិ កញ្ញា ឱក សុគន្ធកញ្ញា ព្រមទាំងលោក DJ ក្តឹប ផងដែរ ហើយចម្រៀងមួយបទនេះមានចំណងជើងថា "ជូនពរឆ្នាំថ្មី"។ ដូចនេះដើម្បីជ្រាបកាន់តែច្បាស់ថាបទចម្រៀងដែលច្រៀងរួមគ្នានេះអស្ចារ្យយ៉ាងណានោះ សូមស្តាប់ដូចខាងក្រោមនេះ៖