ពិតជារន្ធត់ណាស់ ពេលឃើញលោក ណូយ វ៉ាន់ណេត បង្ហោះរូបភាពឡានរបស់លោក ដែលធ្លាប់បានជួបគ្រោះថ្នាក់ចរាចរណ៍
ក្នុងថ្ងៃនេះគេឃើញក្នុងហ្វេសប៊ុករបស់លោក ណូយ វ៉ាន់ណេត បានបង្ហោះរូបភាពឡានរបស់លោកដែលបានជួបគ្រោះថ្នាក់ចរាចរណ៍កន្លងទៅនេះ មើលទៅពិតជាស្លុតចិត្តខ្លាំងណាស់ ដោយក្នុងនោះលោកបានសរសេរសារមួយស្ទើរតែមិននឹកស្មានដល់មួយថា៖ "បងប្អូនមើលចុះទ្បានរបស់ខ្ញុំដែលគេបុកនោះខ្ទេចអស់មិនសង្ឃឹមថាបានរស់តែឥទ្បូវនេះរួចផុតអស់ហើយ 30 .3 .2018"។
ហេតុការណ៍គ្រោះថ្នាក់ចរាចរណ៍ខាងលើនេះ បង្កឡើងរវាងរថយន្តម៉ាកកាមរីបាឡែន ពណ៌ទឹកប្រាក់ ពាក់ស្លាកលេខ 2AD-0120 បុកជាមួយម៉ូតូម៉ាក MSX បណ្តាលឲ្យនារីម្នាក់ស្លាប់នៅ នឹងកន្លែងកើតហេតុ រីឯអ្នកបើកម៉ូតូរងរបួសធ្ងន់បាក់ជើងទាំងពីរ។ ដោយឡែកភាគីនៅក្នុងរថយន្តគឺមានមនុស្ស៥នាក់ ក្នុងនោះក៏មានតារាចម្រៀងលោក ណូយ វ៉ាន់ណេត រងរបួសធ្ងន់ផងដែរ។
បើតាមការបង្ហើបឲ្យដឹងពីតារារួមអាជីពបានបញ្ជាក់ថា ដោយមានរបួសធ្ងន់ បច្ចុប្បន្នតារាចម្រៀ ងលោក ណូយ វ៉ាន់ណេត ត្រូវបានក្រុមគ្រួសារសម្រេចបញ្ជូនបន្តទៅសង្គ្រោះនៅឯមន្ទីរពេទ្យមួយ កន្លែង នៃទឹកដីប្រទេសថៃ នាព្រឹកថ្ងៃទី១០ ខែកញ្ញា ឆ្នាំ២០១៧នេះ។ ប្រភពដដែលបានបន្ថែមថា ព្រឹកនេះតារាចម្រៀងលោក ណូយ វ៉ាន់ណេត បានចេញដំណើរទៅព្យាបាលរបួសនៅមន្ទីរពេទ្យនៃខេត្តសុរិន្ទប្រទេសថៃហើយ បន្ទាប់ពីលោករងគ្រោះថ្នាក់ចរាចរណ៍កាលពីយប់មិញ(០៩ កញ្ញា)នៅផ្លូវជាតិលេខ៤។ មូលហេតុដែលលោកត្រូវចាកចេញទៅព្យាបាលនៅខេត្តសុរិន្ទ ដោយសារតែលោកធ្វើទុក្ខឈឺក្បាលខ្លាំងពេកពិបាកទ្រាំ។
សូមបញ្ជាក់ថា ក្នុងហេតុការណ៍គ្រោះថ្នាក់ចរាចរណ៍នេះ គឺបណ្តាលឲ្យនារីភាគីខាងម៉ូតូស្លាប់ ម្នាក់(ឈ្មោះ ណោ ស្រីនាង អាយុ២០ឆ្នាំ) និងអ្នកបើកម៉ូតូឈ្មោះ ផុន ប៊ុនលាភ ភេទប្រុស អាយុ២២ឆ្នាំរបួសធ្ងន់បាក់ជើងទាំងពីរ។ ចំណែកឯអ្នកបើកបររថយន្តគេចខ្លួនបាត់ដោយបន្សល់ ទុកអ្នករួមដំណើរចំនួន៥នាក់នៅនឹងកន្លែងកើតហេតុ ក្នុងនោះមានលោក ណូយ វ៉ាន់ណេតផងដែរ។គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៧និង៣៥នាទីយប់ថ្ងៃទី០៩ ខែកញ្ញា ឆ្នាំ២០១៧ ស្ថិតនៅតាមបណ្តោយផ្លូវជាតិលេខ៤ចន្លោះគីឡូម៉ែត្រលេខ១៥១-១៥២ក្នុងភូមិសឹ្ទងឆាយ ឃុំសឹ្ទងឆាយ ស្រុកកំពង់សិលា ខេត្តព្រះសីហនុ ៕
Post a Comment