គេបង្អួតគ្នារឿងឡាន មាស ពេជ្រ វីឡា តែ ឧកញ៉ា ម៉ុង ឫទ្ធី បង្អួតក្រុមគ្រួសាររបស់គាត់វិញ ពេលបានដឹងហើយញាក់សាច់តែម្តង (មានវីដេអូ)
កន្លងមកនេះគេធ្លាប់ឃើញ ឯកឧត្ដមបណ្ឌិត ម៉ុង ឫទ្ធី តែងតែមានការប្រឡូកក្នុងវិស័យកសិកម្ម ការងារសង្គម ហើយកាលពីពេលថ្មីៗនេះលោកក៏ចាប់ផ្តើមប្រឡូកក្នុងវិស័យអចលនទ្រព្យផងដែរ ដែលនឹងសាងសង់លំនៅឋានលំដាប់មធ្យមក្នុងតម្លៃសមរម្យមួយ នៅលើផ្ទៃដី១.២០០ម៉ែត្រការរ៉េសម្រាប់ផ្ទះមួយខ្នងៗ។
ដោយក្នុងនោះរួមជាមួយនឹងសេវាដាំថែទាំដើមឈើហូបផ្លែ មានទឹក ភ្លើង ប្រព័ន្ធសុវត្ថិភាព មានផ្លូវប្រវែងជាងសែសិបគីឡូម៉ែត្រសម្រាប់ដើរ ឬជិះកង់ហាត់ប្រាណប្រកបដោយសុវត្ថិភាព មានភ្នំដែលខ្ញុំបានថែរក្សាទុកដើមឈើផ្លែកៗរាប់លានដើមជាច្រើនប្រភេទ ដើមឈើមួយចំនួនបានបញ្ចេញផ្កាទៅតាមរដូវកាលគួជាទីគយគុណ មានសត្វព្រៃជាច្រើនប្រភេទសត្វស្លាប មាន់ព្រៃ ជ្រូកព្រៃ ដើមឈើមួយចំនួនដុះនៅតំបន់ភ្នំសែនដី ស្រុកសំរោងទង ខេត្តកំពង់ស្ពឺនេះក្នុងព្រះរាជាណាចក្រ កម្ពុជាយើងមិនមានដូចគ្នាទេ ទីតាំងនេះមានចម្ងាយតែត្រឹម៥០គីឡូម៉ែត្រពីភ្នំពេញ បើយើងធ្វើដំណើរតាមផ្លូវជាតិលេខបួនពីភ្នំពេញចំណាយពេលមិនដល់មួយម៉ោងផង ។
ស្រាប់តែមួយម៉ោងមុននេះលោកបានបង្ហោះសារ ព្រមជាមួយរូបថតជាច្រើនសន្លឺក ដែលលោកចង់បង្អួតប្រិយមិត្តក្នុងហ្វេសប៊ុក ពីក្រុមគ្រួសារលោកវិញម្តង ដោយក្នុងនោះគាត់បានសរសេរថា៖ "ល្ងាចថ្ងៃអាទិត្យទី៤ ខែមិនា ឆ្នាំ២០១៨ ខ្ញុំចង់បង្អួតប្រិយមិត្ត FB ទាំងអស់ថានេះជាជំនួបចៅៗប្រុស ស្រីចំនួន១១នាក់ក្នុងចំណោមចៅស្រី៦នាក់ ចៅប្រុស១១នាក់សរុប១៧នាក់ដែលរាប់បញ្ចូលទាំងថ្ងៃស្អែកនេះខ្ញុំនិងទទួលបានចៅប្រុសម្នាក់ទៀតផងដែ ។"
បន្ទាប់ពីបានឃើញហើយ ក៏ធ្វើឲ្យប្រិយមិត្តជាច្រើនលាន់មាត់ថា លោកពិតជាមានចៅច្រើនមែន មិនត្រឹមតែប៉ុណ្ណោះទេ ឃើញក្រុមគ្រួសាររបស់លោកហាក់មានភាពកក់ក្តៅខ្លាំងណាស់ ដោយអ្នកខ្លះផ្សេងទៀតបានសរសេរថា ក្រុមគ្រួសារដូចពិតជាមានសុភមង្គលខ្លាំងណាស់។ ហើយក៏នៅមានការលើកសរសើរជាច្រើនទៀតផងដែរ៕
Post a Comment