តារាសុិចស៊ី បេននី យាំុង បង្ហោះសារដ៏ខ្លោចចិត្តមួយ ពេលបានជួបលោក យូឌីស្កូ ដោយពោលពាក្យថា...

មានប្រិយមិត្តជាច្រើនប្រាកដជាស្គាល់ហើយថា កញ្ញា បេននី យាំុង នាងចូលចិត្តស្លៀកពាក់សិុចសីុ លេងខ្លួននូវម៉ូតប្លែកៗ ទាន់សម័យ បែបគួរឲ្យស្រលាញ់ និងតែងតែបង្ហោះចែកចាយ លើគណនីអ៊ីនស្តាក្រាម របស់នាងផ្ទាល់ ដោយរូបភាគច្រើនតែងតែទាក់ទាញ និងស្អាតៗតែម្តង។ បើទោះមិនសូវឃើញមុខក្នុងវិស័យសិល្បៈក៏ពិតមែន តែប្រជាប្រិយភាពរបស់នាង នៅតែល្បី និងមានអ្នកគាំទ្រច្រើនដូចដើម ជាពិសេសនោះ មុខជំនួញរកសីុជាប្រចាំថ្ងៃរបស់នាង គឺកាន់តែកាក់កប និងជោគជ័យខ្លាំងណាស់ ដោយទទួលបានការគាំទ្រ ពីសំណាក់បងប្អូន នៅទូទាំងបណ្តាខេត្ត ក្រុង។

តារារូបនេះមិនត្រឹមតែស៊ិចស៊ីស្រស់ស្អាតប៉ុណ្ណោះទេ គឺថែមទាំងមានចិត្តធម៌មេត្តាថែមទៀតផង។ ជាក់ស្តែង កាលពីម្សិលមិញនេះ តារារូបនេះបានបង្ហោះសារមួយ ជាមួយរូបថតមួយសន្លឹកក្នុងហ្វេសប៊ុករបស់ខ្លួនដែលមានឈ្មោះ Ly Sokuntheary ដោយនាងបានជួបផ្ទាល់ជាមួយលោក យូឌីស្កូ ព្រមទាំងមានការឧបត្ថម្ភថវិកាខ្លះៗ។ ក្នុងនោះផងដែរ បេននី យុាំង ក៏បានបញ្ជាក់ថា៖ " អាណិតសែនអាណិតមកជួបនៅក្រៅជូនលុយមិនចង់យកទៀត បើគាត់មិនឈឺខ្ញុំជឿថាគាត់មិនលាដៃហាមាត់សុំការជួយទេ ដារ៉ាក៏ដោយមិនមែនដារ៉ាក៏ដោយជួយគ្នាជាការគួរ..ជូនពរឆាប់ជា ឆាប់មានចំនួយគ្រប់ប្រាក់ព្យាបាលណាម្ចាស់បង..🙏🏻"៕