អីយ៉ា ស្អាតអីក៏ស្អាតម្លេស!!! មាននរណាគេដឹងអត់ថានារីស្រស់ស្អាតម្នាក់នេះ និងនាយព្រែក ត្រូវជាអ្វីនឹងគ្នា?

កាលពីថ្ងៃទី៣០ ខែមីនា ឆ្នាំ២០១៨ ទើបតែកន្លងផុតទៅថ្មីៗនេះ គេបានឃើញរូបភាពជាច្រើនសន្លឹកបានបង្ហោះចេញពីហ្វេសប៊ុករបស់នារីក្មេងស្រស់ស្អាតម្នាក់ ដែលត្រូវបានមហាជនស្គាល់ថាជាគូដណ្តឹងរបស់នាយព្រែកតែម្តង នាងមានឈ្មោះថា កញ្ញា ជា ស្រីតី ដោយពួកគេទាំងពីរនាក់បានភ្ជាប់ពាក្យជាមួយគ្នា អស់រយៈពេលយូរគួរសមដែរហើយ ប៉ុន្ដែមកដល់ពេលនេះ គូស្នេហ៍វ័យក្មេងមួយគូនេះនៅមិនទាន់លេចឮដំណឹងចូលរោងការនៅឡើយទេ។

ហើយរូបថតដែលគូដណ្តឹងរបស់នាយព្រែកបង្ហោះនោះគឺពួកគេបានបណ្ដើរគ្នាទៅចូលរួមមង្គលការមួយនៅខេត្តកំពង់ចាម ។ ក្នុងនោះគេចាប់អារម្មណ៍ឃើញថា រូបសម្រស់អនាគតកូនប្រសា យាយយ៉យ រូបនេះ ពិតជាស្រស់ស្អាត សមសួន លេចធ្លោគួរឱ្យស្រឡាញ់ជាមួយឈុតពណ៌ទឹកសណ្ដែកខ្ចីរបស់នាង ។

គូដណ្ដឹងរបស់នាយព្រែក មិនមែនជាអ្នកសិល្បៈទេ តែបើមើលតាមរូបរាងរបស់នាង ពិតជាមានរូបសម្រស់ស្រស់ស្អាត ស៊ីវិល័យ ដោយមិនចាញ់តារាល្បីៗប៉ុន្មានទេ ហើយកាន់តែមើល កាន់តែស្រស់ស្អាត គួរឲ្យគយគន់។

តែទោះជាតារាកំប្លែង នាយព្រែក និង គូដណ្ដឹង មិនទាន់សម្រេចចិត្តដឹកដៃគ្នាចូលរោងជ័យក៏ពិតមែន តែភាពស្និតស្នាលរបស់ពួកគេទាំងពីរ នៅតែផ្អែមល្ហែម នេះបើតាមការមើលឃើញក្នុងបណ្តាញសង្គមហ្វេសប៊ុករបស់គូដណ្តឹងរបស់នាយ ព្រែកដែលតែងតែបង្ហោះជាញឹកញាប់។ ក្នុងនោះផងដែរក៏មានការកោតសរសើរជាច្រើនពីសំណាក់មហាជនទៅលើក្ដីស្នេហ៍របស់អ្នកទាំងពីរ ជាពិសេសរូបសម្រស់គូដណ្ដឹងតារាប្រុសវ័យក្មេងខាងលើតែម្ដង ៕