បទចម្រៀងដែលអ្នកស្រី ចេវ សុវឌ្ឍនា បានបង្ហោះមុនពេលស្លាប់ ពិតជាក្តុកក្តួលណាស់ (មានវីដេអូ)

នៅមុនពេលជួបគ្រោះអកុសលរយៈពេល៥៤ថ្ងៃ អ្នកស្រី ចេវ សុវឌ្ឍនា បានបង្ហោះចម្រៀងមួយបទ អមដោយរូបភាពជាច្រើនសន្លឹករបស់អ្នកស្រី។ តាមអត្ថន័យនៃបទចម្រៀងនេះ គឺបានរៀបរាប់ពីការបែកបាក់ស្នេហាដ៏ស្មោះស្ម័គ្រមួយព្រោះតែរណាំងវណ្ណៈ។ វីដេអូនៃបទចម្រៀងនេះ ទទួលបានការចាប់អារម្មណ៍ខ្លាំងពីមហាជនផងដែរ។

បទចម្រៀងដែលអ្នកស្រី ចេវ សុវឌ្ឍនា បានរៀបចំឡើង ហើយបង្ហោះកាលពីថ្ងៃទី០៣ ខែធ្នូ ឆ្នាំ២០១៧នេះ មានចំណងជើងថា «ឃើញបងក្រពេកអូនសុំបែក» ជាចម្រៀងរបស់លោក យក់ ដួងតារា តារាចម្រៀងផលិតកម្មរស្មីហង្សមាស។

សូមបញ្ជាក់ថា សំណុំរឿងសម្លាប់មនុស្សដ៏អាថ៌កំបាំង ដែលកំពុងតែល្បីល្បាញទូទាំងប្រទេស ពីសំណាក់់អតីតអភិបាលខេត្តតាកែវ លោក ឡាយ វណ្ណៈ ទៅលើ អ្នកស្រី ចេវ សុវឌ្ឍនា រហូតមកដល់ពេលនេះ សមត្ថកិច្ចបានបញ្ជូនលោក ឡាយ វណ្ណៈ ដល់អយ្យការអមសាលាដំបូងរាជធានីភ្នំពេញ ពាក់ព័ន្ធអំពើឃាតកម្មដ៏អាថ៌កំបាំង លើស្រ្តីឈ្មោះ ចេវ សុវឌ្ឍនា ដែលស្រីកំណាន់របស់ខ្លួន នៅក្រុងដូនកែវ នៅវេលាម៉ោង២៖៣០នាទីរសៀលថ្ងៃទី០២ ខែមេសា ឆ្នាំ២០១៨នេះ។

ចំណែកជនសង្ស័យ៥នាក់ទៀត ពាក់ព័ន្ធឃាតកម្មដ៏អាថ៌កំបាំងលើស្រ្តីឈ្មោះ ចេវ សុវឌ្ឍនា បន្តសាកសួរនៅអយ្យការអមសាលាដំបូង រាជធានីភ្នំពេញ គិតត្រឹមវេលាម៉ោង ២៖៣០នាទី រសៀលថ្ងៃទី០២ ខែមេសា ឆ្នាំ២០១៨នេះ៕