ចោរម្នាក់នេះពិតជាសាហាវមែន ដែលហ៊ានលួច Account ឯកឧត្ដម ឧត្តមសេនីយ៍ឯក មួន សារ៉ន អគ្គស្នងការរងនគរបាលជាតិ

បើយោងតាមហ្វេសប៊ុករបស់លោក ប៊ុនរឿន ប្រុសស្អាតជ្រោយចង្វារ កាលពីថ្ងៃទី២១ ខែវិច្ឆិកា ឆ្នាំ២០១៧ កន្លងទៅថ្មីនេះមានរឿងមួយដែលគួរឲ្យមានការភ្ញាក់ផ្អើលជាខ្លាំង ដោយមានជនមិនស្គាល់មុខបានលួចប្រើប្រាស់ហ្វេសប៊ុកផ្ទាល់ខ្លួនរបស់ឯកឧត្ដម ឧត្តមសេនីយ៍ឯក មួន សារ៉ន ដើម្បីដើរខ្ចីលុយគេ ទាំងម្ចាស់ហ្វេសប៊ុកពិតនេះមិនបានដឹងខ្លួនសោះ ហើយពេលនេះលោក ប៊ុនរឿន ប្រុសស្អាតជ្រោយចង្វារ បានចេញសេចក្តីប្រកាសដើម្បីឲ្យបងប្អូនដែលប្រើប្រាស់បណ្តាញសង្គមមួយនេះមានការប្រុងប្រយ័ត្នផង ដោយគាត់បានរៀបរាប់បន្ថែមទៀតថា៖

"#ដំណឹងទាន់ហេតុការណ៍អាខោន facebooks ផ្ទាល់ខ្លួន របស់លោកពូ ឯកឧត្តម មួន សារ៉ន ត្រូវបានជនមិនស្គាល់មុខ hack យកទៅប្រេីប្រាស់ក្នុងនយ័មិនល្អ រហូតពួកជនសង្សយ័ហ៊ានយកទៅឆាតខ្ចីលុយគេ ថែមទៀតផង !!!
#អាស្រយ័ហេតុនេះសូមបងប្អូនដែលស្គាល់ឯកឧត្តម មួន សារ៉ន ទាំងអស់ មេត្តាប្រយត្ន័ ហេីយឯកឧត្តម នឹងក្រុមគ្រួសារសូមបដិសេដ្ឋ មិនទទួលខុសត្រូវ ទាំងស្រុង រហូតចាប់ពីថ្ងៃផ្សាយដំណឹងនេះតទៅ ។
#ប្រភពពត៌មានពិតទទួលបានពីក្រុមគ្រួសារ ឯកឧត្តមផ្ទាល់"

គួរបញ្ជាក់ឡើងវិញផងដែរថា ឯកឧត្ដម ឧត្តមសេនីយ៍ឯក មួន សារ៉ន អគ្គស្នងការរងនគរបាលជាតិ និងជាទីប្រឹក្សាផ្ទាល់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ត្រូវបានព្រះមហាក្សត្រ នៃព្រះរាជាណាចក្រកម្ពុជាចេញព្រះរាជក្រឹត្យ ដំឡើងឋានន្តរស័ក្ដិជា នាយឧត្ដមសេនីយ៍ កាលពីថ្ងៃទី២៩ ខែកញ្ញា ឆ្នាំ២០១៧ កន្លងទៅថ្មីៗនេះផងដែរ៕