ពេលនេះ អ្នកស្រី ចក់ សុភាព នាយិកាមជ្ឈមណ្ឌលសិទ្ធិមនុស្សកម្ពុជា ចេញនិយាយហើយ ក្រោយ សម្តេច ហ៊ុន សែន ចង់បិទ...
ប្រហែលជាពីរម៉ោងមុននេះ មជ្ឈមណ្ឌលសិទ្ធិមនុស្សកម្ពុជា (Cambodian Center for Human Rights) រឺហៅបានថា "ម.ស.ម.ក" បានចេញសេចក្តីថ្លែងការណ៍មួយរបស់ខ្លួនដែលមានន័យខ្លឹមសារដូចបានភ្ជាប់មកជាមួយខាងក្រោមនេះ។
ដោយហេតុផលបានជាមានសេចក្តីថ្លែងការណ៍ដូចនេះ ក៏ព្រោះតែកាលពីព្រឹកមិញនេះ ក្នុងឱកាសដែលសម្ដេចអញ្ជើញជួបសំណេះសំណាលជាមួយតំណាងកម្មករជាង៤ពាន់នាក់ នៅសាលមហោស្រពកោះពេជ្រ នាព្រឹកថ្ងៃអាទិត្យ ទី២៦ ខែវិច្ឆិកា ឆ្នាំ២០១៧ នេះ ហើយក៏បានស្នើឲ្យក្រសួងមហាផ្ទៃ ពិនិត្យមើល មជ្ឈមណ្ឌលសិទ្ធិមនុស្សកម្ពុជា ដែលបង្កើតឡើងដោយជនបរទេស។
ករណីនេះ គួរអាចបិទបានក៏គួរតែបិទចោលតែម្ដងទៅ។ បើយោងតាមការបញ្ជាក់របស់ កឹម សុខា កន្លងមក មជ្ឈមណ្ឌលនេះគឺបរទេស ឲ្យបង្កើតឡើងមុនឈានទៅបង្កើតគណបក្ស។
សម្តេចតេជោ ហ៊ុន សែន បានថ្លែងថា នៅឯកិច្ចប្រជុំពិគ្រោះយោបល់គណបក្សនយោបាយពិភពលោក នៅប៉េកាំងថ្ងៃទី១ ធ្នូ សម្តេច នឹងថ្លែងសុន្ទរកថាសង្កត់ធ្ងន់ទៅ លើ បញ្ហា សន្តិភាព ឯករាជ្យភាព ប្រឆាំងការជ្រៀតជ្រែកកិច្ចការផ្ទៃក្នុងពីបរទេស ក្នុងនាមប្រធានគណបក្សប្រជាជនកម្ពុជា៕
Post a Comment