ស្ទើរតែទប់ទឹកភ្នែកមិនបាន!! ! បុរសម្នាក់សម្រេចចិត្តរៀបការជាមួយគូស្នេហ៍ខ្លួននៅក្នុងមន្ទីរពេទ្យ ដោយសារតែ...

ថៃ៖ ជាការពិតណាស់ មានគូស្នេហ៍ជាច្រើននាក់ ក្រោយពីធ្វើការស្វែងយល់ចិត្តគ្នាទៅវិញទៅមកមួយរយៈពេលមក ពួកគេទាំងនោះតែងតែមានក្តីប្រាថ្នាមួយគឺពិធីមង្គលការ ដើម្បីចង់បញ្ជាក់អ្នកដ៏ទៃឲ្យបានទទួលស្គាល់ជាផ្លូវការ និងដឹងលឺផងដែរ។

តែក៏មានអ្នកខ្លះក៏មិនបានសមតាមក្តីប្រាថ្នាទាំងអស់នោះដែរ ក្រោយពីគេបានយល់ចិត្តទៅហើយតែបែរជាមានរឿងមិនល្អកើតឡើងលើពួកគេទៅវិញ។ ជាស្តែងបើតាមប្រភពព័ត៌មានមួយ បានប្រាប់ឲ្យដឹងពីរឿងហេតុមួយដ៏គួរអោយរំជួលចិត្តជាខ្លាំង ហើយរឿងមួយនេះក៏ត្រូវបានគេចែក​រំ​លែ​ក​ក្នុង​បណ្តាញសង្គមជាច្រើនផងដែរ គឺគូស្នេហ៍ស្ម័គ្រស្មោះមួយគូ បែរជាមករៀបការនៅក្នុងមន្ទីរពេទ្យទៅវិញ គឺដោយសារតែភាគីខាងស្រីមានជំងឺមហារីកមាត់ស្បូនដំណាក់កាល់ចុងក្រោយ។ ប្រភពខាងលើនេះបានឲ្យដឹងទៀតថា កាល​ពីប៉ុន្មានខែកន្លងទៅនេះ មានបុរសវ័យ ៣០ឆ្នាំម្នាក់ បានសម្រេចចិត្តរៀបការជាមួយនឹងនារីជាគូស្នេហ៍នៅក្នុងមន្ទីរពេទ្យតែងម្តង។

បើទោះបីជា គាត់ដឹងថា នាងមានជំងឺមហារីកមាត់ស្បូន ក្នុងដំណាក់កាលចុងក្រោយហើយក៏ដោយក៏បុរសម្នាក់នោះបានប្រាប់អោយដឹងថាគាត់បានរៀបចំផែនការ​រៀបការជាមួយគ្នានេះរយៈពេល២ឆ្នាំមកហើយ តែមកដល់ដើមឆ្នាំ២០១៧ នេះស្រ្តីជាគូស្នេហ៍របស់គាត់នេះបានធ្លាក់ខ្លួនឈឺ ហើយត្រូវសម្រាក់ព្យាបាលនៅមន្ទីរពេទ្យឯកជនជាច្រើនដងមិនមានអ្វីធ្ងន់ធ្ងរនោះទេ។ ក្រោយមកក៏មកជាសះស្បើយធម្មតាមកវិញ មកដល់ថ្មីៗនេះនាងក៏បានធ្លាក់ខ្លួនឈឺម្តងទៀត ដូចនេះគាត់ក៏បាននាំនាង​មក​សម្រាក​ព្យាបាលនៅមន្ទីរពេទ្យថ្មីមួយទៀត។

ក្នុងនោះផងដែរ គ្រូពេទ្យនៅទីនេះបានធ្វើរោគ វិនិច្ឆ័យ ក៏រកឃើញថាស្រ្តីម្នាក់នេះមានជំងឺមហារីកមាត់ស្បូន ដែលនាងអាចរស់នៅបានតែជាងមួយខែទៀតតែប៉ុណ្ណោះ។ ដោយសារតែការស្រលាញ់ដែលមានយ៉ាងលើសលប់សម្រាប់នាង បុរសម្នាក់នេះក៏សំរេចចិត្តធ្វើពិធីរៀបការមួយនៅក្នុងមន្ទីរពេទ្យតែម្តង ក្រោមការគាំទ្រពីសំណាក់សាច់ញាតិរបស់គាត់។ ជាក្តីស្រលាញ់ដ៏មហិមារបស់បុរសវ័យ៣០ឆ្នាំរូបនេះធ្វើអោយអ្នកប្រើប្រាស់បណ្តាញសង្គមអាណិតអាសូរ និងរំជួលចិត្តយ៉ាងខ្លាំង រហូតមានអ្នកខ្លះសូមអោយមានអភូតហេតុសំរាប់គាត់ទាងពីរទៀតផង៕