ស្អែករកផ្លូវវៀងឲ្យហើយទៅ ព្រោះកន្លែងមួយចំនួនអាចនឹងមានការកកស្ទះហើយ ព្រោះដោយសារតែ...
បើគ្មានអ្វីប្រែប្រួលទេ នៅព្រឹកថ្ងៃទី១៦ ខែវិច្ឆិកា ឆ្នាំ២០១៧ តុលាការកំពូល នឹងបើកសវនាការ ជំនុំជម្រះ កាត់ក្តីលើពាក្យបណ្ដឹងរបស់ក្រសួងមហាផ្ទៃ ដែលបានប្តឹងរំលាយគណបក្សសង្គ្រោះជាតិ។
នៅថ្ងៃទី១៥ ខែវិច្ឆិកា ឆ្នាំ២០១៧ អាជ្ញាធរសមត្ថកិច្ច បានចាត់វិធានការរឹតបន្តឹងសណ្តាប់ធ្នាប់ សន្តិសុខ ដើម្បីទប់ស្កាត់ចលនាតវ៉ាណាមួយ ដែលអាជ្ញាធរចាត់ទុកថា មានចរិតផ្តួលរំលំរដ្ឋាភិបាល និងរំខានសវនាការរបស់តុលាការកំពូល។
សវនាការ ដើម្បីកាត់ក្តីសំណុំរឿងសុំរំលាយគណបក្សសង្គ្រោះជាតិ នៅថ្ងៃទី ១៦ វិច្ឆិកា អាជ្ញាធរសមត្ថកិច្ច មិនអនុញ្ញាតឲ្យមានការជួបជុំណាមួយ នៅពីមុខតុលាការទេ។ កងកម្លាំងមានសមត្ថកិច្ចគ្រប់ប្រភេទ បានត្រៀមលក្ខណៈជាស្រេចក្នុងការទប់ស្កាត់ មិនឲ្យមានការជួបជុំតវ៉ាណាមួយឡើយ។
ចាប់តាំងពីព្រឹកថ្ងៃទី១៥ ខែវិច្ឆិកា ឆ្នាំ២០១៧ កម្លាំងសមត្ថកិច្ចត្រូវបានដាក់ពង្រាយ នៅតាមច្រកផ្លូវនានាចេញចូលរាជធានីភ្នំពេញ។ ចំណែកកងកម្លាំងនគរបាល កងរាជអាវុធហត្ថ នៅក្នុងរាជធានីភ្នំពេញ ក៏ដូចជានៅតាមបណ្តាខេត្តនានាដែរ បានប្រមូលផ្តុំគ្នាហ្វឹកហាត់ និងទទួលបញ្ជារួចរាល់ហើយ ដើម្បីត្រៀមការពារសន្តិសុខ និងរក្សាសណ្តាប់ធ្នាប់សាធារណៈ ក្នុងពេលដែលតុលាការកំពូលបើកសវនាការ នៅថ្ងៃទី១៦ ខែវិច្ឆិកា ឆ្នាំ២០១៧។
នៅផ្លូវនានាជុំវិញបរិវេណតុលាការកំពូល ដែលស្ថិតនៅជិតព្រះបរមរាជវាំង ក្នុងរាជធានីភ្នំពេញ របាំងដែក បិទផ្លូវ ត្រូវបានដាក់ពង្រាយ ហើយត្រៀមនឹងបិទផ្លូវ មិនឲ្យចរាចរឡើយ ចាប់ពីព្រឹកព្រលឹមថ្ងៃទី១៦ ខែវិច្ឆិកា ឆ្នាំ២០១៧។ កងកម្លាំង ប្រដាប់ដោយអាវុធគ្រប់ដៃ ត្រូវដាក់ពង្រាយ ចាប់ពីយប់ថ្ងៃទី១៥ ខែវិច្ឆិកា រហូតទាល់តែដំណើរការនីតិវិធីរបស់តុលាការកំពូលបញ្ចប់សព្វគ្រប់។ នេះបើតាមលោកនាយឧត្តមសេនីយ៍ គៀត ច័ន្ទថារិទ្ធ អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ។
លោកបន្ថែមថា រនាំងបិទផ្លូវទាំងនេះ ត្រូវបានដាក់ត្រៀមនៅលើសួនច្បារមុខវត្តបទុមវត្តី ក្បែរតុលាការកំពូល និងទីតាំងផ្សេងៗទៀត។ ក្រៅពីនេះ កងកម្លាំងក៏មានការត្រៀមនូវសម្ភារៈជាប់ដៃ ដូចជាដំបងឆក់ ជាដើម ដើម្បីត្រៀមការពារសន្តិសុខសណ្ដាប់ធ្នាប់ នៅពេលតុលាការកំពូលដំណើរការសវនាការលើបណ្តឹងរំលាយគណបក្សសង្គ្រោះជាតិ នាថ្ងៃទី១៦ ខែវិច្ឆិកា។ ក៏ប៉ុន្តែលោកនាយឧត្តមសេនីយ៍ គៀត ច័ន្ទថារិទ្ធ មិនបានប្រាប់ពីចំនួនកងកម្លាំងប្រដាប់អាវុធប៉ុន្មាននាក់ ដែលចូលរួមរក្សាសន្តិសុខសណ្ដាប់ធ្នាប់នោះឡើយ។
ចំណែកលោកនាយឧត្ដមសេនីយ៍ ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក៏បានប្រកាសថា កងកម្លាំងនគរបាល បានត្រៀមរួចរាល់ហើយ ដើម្បីរៀបចំសណ្ដាប់ធ្នាប់ របៀបរៀបរយ ដើម្បីកុំឲ្យមានអ្នកតវ៉ា មករំខានដំណើរការសវនាការរបស់តុលាការកំពូល នាថ្ងៃទី១៦ ខែវិច្ឆិកា ឆ្នាំ២០១៧។ ពោលគឺត្រូវការពារតុលាការកំពូល ឲ្យបាន ដោយមិនអនុញ្ញាតឲ្យមានជនណា មកតវ៉ាបង្កការរំខានបានឡើយ។
សូមរំឭកថា កាលពីថ្ងៃទី១៣ ខែវិច្ឆិកា ឆ្នាំ២០១៧ សម្តេច ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានចេញសេចក្តីណែនាំមួយ ឲ្យរដ្ឋបាលរាជធានីខេត្តនិមួយៗ រៀបចំក្រុមការងារប្រចាំការ សម្រាប់តាមដាន និងដោះស្រាយបញ្ហានានា ពាក់ព័ន្ធនឹងឧបាយកលផ្តួលរំលំរដ្ឋអំណាចស្របច្បាប់នៅកម្ពុជា ចាប់ពីថ្ងៃទី១៥ ខែវិច្ឆិកា ឆ្នាំ២០១៧ តទៅ។
ចំណែកអ្នកនាំពាក្យក្រសួងយុត្តិធម៌ លោក គឹម សន្ដិភាព បានស្នើឲ្យប្រជាពលរដ្ឋខ្មែរគ្រប់រូបគោរពរដ្ឋធម្មនុញ្ញ និងគោរពច្បាប់ ដោយភាគីទាំងអស់ ត្រូវគោរពអនុវត្តនូវសាលដីកាស្ថាពររបស់តុលាការកំពូល។
លោក គឹម សន្តិភាព បញ្ជាក់ថា «ការមិនអនុវត្តសេចក្តីសម្រេចរបស់តុលាការ គឺជាបទល្មើសព្រហ្មទណ្ឌ ដែលមានកំណត់ក្នុងក្រមព្រហ្មទណ្ឌនៃព្រះរាជាណាចក្រកម្ពុជា។ រីឯការប្រមូលផ្តុំគ្នាតវ៉ា ដើម្បីដាក់សម្ពាធលើតុលាការ គឺជាអំពើល្មើសច្បាប់»។
គួរបញ្ជាក់ថា រហូតដល់ថ្ងៃទី១៥ ខែវិច្ឆិកា ឆ្នាំ២០១៧ គណបក្សសង្គ្រោះជាតិ មិនបានដាក់ឯកសារ ដើម្បីការពារខ្លួនទៅឲ្យតុលាការកំពូល តាមការស្នើសុំនោះឡើយ។ គណបក្សសង្គ្រោះជាតិ ក៏មិនបានចាត់តាំងមេធាវី ដើម្បីការពារក្តីនេះដែរ ខណៈដែលក្រុមមេធាវីការពារក្តីឲ្យក្រសួងមហាផ្ទៃ ដែលជាដើមបណ្តឹង បានដាក់ឯកសារជាច្រើនបន្ថែមទៀត រហូតដល់ថ្ងៃទី១៥ ខែវិច្ឆិកា ឆ្នាំ២០១៧។ ជាមួយភស្តុតាងដ៏ច្រើនសន្ធឹកសន្ធាប់នេះ ក្រុមមេធាវីរបស់ក្រសួងមហាផ្ទៃ ដឹកនាំដោយលោក គី តិច ក៏បានដាក់បញ្ជីឈ្មោះថ្នាក់ដឹកនាំជាន់ខ្ពស់គណបក្សសង្គ្រោះជាតិ សរុប ១១៨ រូប ដែលជាទីប្រឹក្សា គណៈកម្មាធិការអចិន្ត្រៃយ៍ និងគណៈកម្មការនាយកគណបក្សសង្គ្រោះជាតិ ដើម្បីស្នើសុំឲ្យតុលាការកំពូល សម្រេចផ្អាកសកម្មភាពអ្នកនយោបាយទាំងនោះ ស្របតាមច្បាប់ស្តីពីគណបក្សនយោបាយ។
ក្រុមមេធាវីក្រសួងមហាផ្ទៃ បានដាក់ពាក្យបណ្ដឹង ទៅកាន់តុលាការកំពូល ដើម្បីប្តឹងរំលាយគណបក្សសង្គ្រោះជាតិ ដោយសារតែសកម្មភាពខុសច្បាប់របស់គណបក្សប្រឆាំងមួយ ពាក់ព័ន្ធនឹងអំពើក្បត់ជាតិ ព្រមទាំងបានបំពានទៅនឹងមាត្រា៦ថ្មី(ពីរ) និងមាត្រា៧ស្ដីពីគណបក្សនយោបាយ។ អំពើក្បត់ជាតិនេះ គឺជាដើមហេតុ នាំដល់ការចាប់ឃុំខ្លួនលោក កឹម សុខា ប្រធានគណបក្សសង្គ្រោះជាតិ កាលពីយប់ថ្ងៃទី៣ ខែកញ្ញា ឆ្នាំ២០១៧៕
នៅថ្ងៃទី១៥ ខែវិច្ឆិកា ឆ្នាំ២០១៧ អាជ្ញាធរសមត្ថកិច្ច បានចាត់វិធានការរឹតបន្តឹងសណ្តាប់ធ្នាប់ សន្តិសុខ ដើម្បីទប់ស្កាត់ចលនាតវ៉ាណាមួយ ដែលអាជ្ញាធរចាត់ទុកថា មានចរិតផ្តួលរំលំរដ្ឋាភិបាល និងរំខានសវនាការរបស់តុលាការកំពូល។
សវនាការ ដើម្បីកាត់ក្តីសំណុំរឿងសុំរំលាយគណបក្សសង្គ្រោះជាតិ នៅថ្ងៃទី ១៦ វិច្ឆិកា អាជ្ញាធរសមត្ថកិច្ច មិនអនុញ្ញាតឲ្យមានការជួបជុំណាមួយ នៅពីមុខតុលាការទេ។ កងកម្លាំងមានសមត្ថកិច្ចគ្រប់ប្រភេទ បានត្រៀមលក្ខណៈជាស្រេចក្នុងការទប់ស្កាត់ មិនឲ្យមានការជួបជុំតវ៉ាណាមួយឡើយ។
ចាប់តាំងពីព្រឹកថ្ងៃទី១៥ ខែវិច្ឆិកា ឆ្នាំ២០១៧ កម្លាំងសមត្ថកិច្ចត្រូវបានដាក់ពង្រាយ នៅតាមច្រកផ្លូវនានាចេញចូលរាជធានីភ្នំពេញ។ ចំណែកកងកម្លាំងនគរបាល កងរាជអាវុធហត្ថ នៅក្នុងរាជធានីភ្នំពេញ ក៏ដូចជានៅតាមបណ្តាខេត្តនានាដែរ បានប្រមូលផ្តុំគ្នាហ្វឹកហាត់ និងទទួលបញ្ជារួចរាល់ហើយ ដើម្បីត្រៀមការពារសន្តិសុខ និងរក្សាសណ្តាប់ធ្នាប់សាធារណៈ ក្នុងពេលដែលតុលាការកំពូលបើកសវនាការ នៅថ្ងៃទី១៦ ខែវិច្ឆិកា ឆ្នាំ២០១៧។
នៅផ្លូវនានាជុំវិញបរិវេណតុលាការកំពូល ដែលស្ថិតនៅជិតព្រះបរមរាជវាំង ក្នុងរាជធានីភ្នំពេញ របាំងដែក បិទផ្លូវ ត្រូវបានដាក់ពង្រាយ ហើយត្រៀមនឹងបិទផ្លូវ មិនឲ្យចរាចរឡើយ ចាប់ពីព្រឹកព្រលឹមថ្ងៃទី១៦ ខែវិច្ឆិកា ឆ្នាំ២០១៧។ កងកម្លាំង ប្រដាប់ដោយអាវុធគ្រប់ដៃ ត្រូវដាក់ពង្រាយ ចាប់ពីយប់ថ្ងៃទី១៥ ខែវិច្ឆិកា រហូតទាល់តែដំណើរការនីតិវិធីរបស់តុលាការកំពូលបញ្ចប់សព្វគ្រប់។ នេះបើតាមលោកនាយឧត្តមសេនីយ៍ គៀត ច័ន្ទថារិទ្ធ អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ។
លោកបន្ថែមថា រនាំងបិទផ្លូវទាំងនេះ ត្រូវបានដាក់ត្រៀមនៅលើសួនច្បារមុខវត្តបទុមវត្តី ក្បែរតុលាការកំពូល និងទីតាំងផ្សេងៗទៀត។ ក្រៅពីនេះ កងកម្លាំងក៏មានការត្រៀមនូវសម្ភារៈជាប់ដៃ ដូចជាដំបងឆក់ ជាដើម ដើម្បីត្រៀមការពារសន្តិសុខសណ្ដាប់ធ្នាប់ នៅពេលតុលាការកំពូលដំណើរការសវនាការលើបណ្តឹងរំលាយគណបក្សសង្គ្រោះជាតិ នាថ្ងៃទី១៦ ខែវិច្ឆិកា។ ក៏ប៉ុន្តែលោកនាយឧត្តមសេនីយ៍ គៀត ច័ន្ទថារិទ្ធ មិនបានប្រាប់ពីចំនួនកងកម្លាំងប្រដាប់អាវុធប៉ុន្មាននាក់ ដែលចូលរួមរក្សាសន្តិសុខសណ្ដាប់ធ្នាប់នោះឡើយ។
ចំណែកលោកនាយឧត្ដមសេនីយ៍ ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក៏បានប្រកាសថា កងកម្លាំងនគរបាល បានត្រៀមរួចរាល់ហើយ ដើម្បីរៀបចំសណ្ដាប់ធ្នាប់ របៀបរៀបរយ ដើម្បីកុំឲ្យមានអ្នកតវ៉ា មករំខានដំណើរការសវនាការរបស់តុលាការកំពូល នាថ្ងៃទី១៦ ខែវិច្ឆិកា ឆ្នាំ២០១៧។ ពោលគឺត្រូវការពារតុលាការកំពូល ឲ្យបាន ដោយមិនអនុញ្ញាតឲ្យមានជនណា មកតវ៉ាបង្កការរំខានបានឡើយ។
សូមរំឭកថា កាលពីថ្ងៃទី១៣ ខែវិច្ឆិកា ឆ្នាំ២០១៧ សម្តេច ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានចេញសេចក្តីណែនាំមួយ ឲ្យរដ្ឋបាលរាជធានីខេត្តនិមួយៗ រៀបចំក្រុមការងារប្រចាំការ សម្រាប់តាមដាន និងដោះស្រាយបញ្ហានានា ពាក់ព័ន្ធនឹងឧបាយកលផ្តួលរំលំរដ្ឋអំណាចស្របច្បាប់នៅកម្ពុជា ចាប់ពីថ្ងៃទី១៥ ខែវិច្ឆិកា ឆ្នាំ២០១៧ តទៅ។
ចំណែកអ្នកនាំពាក្យក្រសួងយុត្តិធម៌ លោក គឹម សន្ដិភាព បានស្នើឲ្យប្រជាពលរដ្ឋខ្មែរគ្រប់រូបគោរពរដ្ឋធម្មនុញ្ញ និងគោរពច្បាប់ ដោយភាគីទាំងអស់ ត្រូវគោរពអនុវត្តនូវសាលដីកាស្ថាពររបស់តុលាការកំពូល។
លោក គឹម សន្តិភាព បញ្ជាក់ថា «ការមិនអនុវត្តសេចក្តីសម្រេចរបស់តុលាការ គឺជាបទល្មើសព្រហ្មទណ្ឌ ដែលមានកំណត់ក្នុងក្រមព្រហ្មទណ្ឌនៃព្រះរាជាណាចក្រកម្ពុជា។ រីឯការប្រមូលផ្តុំគ្នាតវ៉ា ដើម្បីដាក់សម្ពាធលើតុលាការ គឺជាអំពើល្មើសច្បាប់»។
គួរបញ្ជាក់ថា រហូតដល់ថ្ងៃទី១៥ ខែវិច្ឆិកា ឆ្នាំ២០១៧ គណបក្សសង្គ្រោះជាតិ មិនបានដាក់ឯកសារ ដើម្បីការពារខ្លួនទៅឲ្យតុលាការកំពូល តាមការស្នើសុំនោះឡើយ។ គណបក្សសង្គ្រោះជាតិ ក៏មិនបានចាត់តាំងមេធាវី ដើម្បីការពារក្តីនេះដែរ ខណៈដែលក្រុមមេធាវីការពារក្តីឲ្យក្រសួងមហាផ្ទៃ ដែលជាដើមបណ្តឹង បានដាក់ឯកសារជាច្រើនបន្ថែមទៀត រហូតដល់ថ្ងៃទី១៥ ខែវិច្ឆិកា ឆ្នាំ២០១៧។ ជាមួយភស្តុតាងដ៏ច្រើនសន្ធឹកសន្ធាប់នេះ ក្រុមមេធាវីរបស់ក្រសួងមហាផ្ទៃ ដឹកនាំដោយលោក គី តិច ក៏បានដាក់បញ្ជីឈ្មោះថ្នាក់ដឹកនាំជាន់ខ្ពស់គណបក្សសង្គ្រោះជាតិ សរុប ១១៨ រូប ដែលជាទីប្រឹក្សា គណៈកម្មាធិការអចិន្ត្រៃយ៍ និងគណៈកម្មការនាយកគណបក្សសង្គ្រោះជាតិ ដើម្បីស្នើសុំឲ្យតុលាការកំពូល សម្រេចផ្អាកសកម្មភាពអ្នកនយោបាយទាំងនោះ ស្របតាមច្បាប់ស្តីពីគណបក្សនយោបាយ។
ក្រុមមេធាវីក្រសួងមហាផ្ទៃ បានដាក់ពាក្យបណ្ដឹង ទៅកាន់តុលាការកំពូល ដើម្បីប្តឹងរំលាយគណបក្សសង្គ្រោះជាតិ ដោយសារតែសកម្មភាពខុសច្បាប់របស់គណបក្សប្រឆាំងមួយ ពាក់ព័ន្ធនឹងអំពើក្បត់ជាតិ ព្រមទាំងបានបំពានទៅនឹងមាត្រា៦ថ្មី(ពីរ) និងមាត្រា៧ស្ដីពីគណបក្សនយោបាយ។ អំពើក្បត់ជាតិនេះ គឺជាដើមហេតុ នាំដល់ការចាប់ឃុំខ្លួនលោក កឹម សុខា ប្រធានគណបក្សសង្គ្រោះជាតិ កាលពីយប់ថ្ងៃទី៣ ខែកញ្ញា ឆ្នាំ២០១៧៕
Post a Comment