លោក វីល្លៀមមិនទាន់អស់ចិត្តទេ ពេលនេះហ៊ានរហូតដល់សុំលោកបណ្ឌិត សុខ ទូច ចាកចេញពីតំណែងបណ្ឌិតសភាចារ្យ ព្រោះតែ...

កាលពីប៉ុន្មានម៉ោងមុននេះមានរឿងក្តៅៗមួយទៀតហើយរវាងលោក វីល្លៀម និងបណ្ឌិត សុខ ទូច ដោយពេលនេះលោក វីល្លៀមនិយាយខ្លាំងតែម្តង មិនត្រឹមតែប៉ុណ្ណោះថែមទំាងឲ្យបណ្ឌិត សុខ ទូច ចាកចេញពីតំណែងថែមទៀតផង ក្នុងនោះផងដែរលោកក៏សរសេរយ៉ាងពិស្តារថា៖

"មិនមែនរំលោភច្បាប់ទេ គឺរំលោភរដ្ឋធម្មនុញ្ញ ដែលហៅថា
«រដ្ឋធម្មនុញ្ញប្រហា»
ភាសានេះសម្រាប់អ្នកចេះច្បាប់គឺគេយល់ថាសុខទូចកំពុងធ្វេីអ្វី
សុខទូច យកស្ថាប័នរាជបណ្ឌិតសភាដែលជាស្ថាប័នកំពូលរបស់បញ្ញវ័ន្តមកឡូកឡំនយោបាយយ៉ាងអាណាធិបតេយ្យ
សុំលោកបណ្ឌិតសុខទូចចាកចេញពីតំណែងបណ្ឌិតសភាចារ្យហេីយចូលគណបក្សប្រជាជនដោយចំហរទៅ វាល្អមេីលជាងការយកស្ថាប័នអព្យាក្រឹត្យរបស់ជាតិទៅឡូកឡំនឹងបក្សបែបនេះ"

តើប្រិយមិត្តយល់យ៉ាងណាដែរចំពោះការលើកឡើងរបស់លោក វីល្លៀមដូចខាងលើនេះ?

គួរបញ្ជាក់ឡើងវិញផងដែរថា កាលពីថ្ងៃទី២១ ខែវិច្ឆិកា ឆ្នាំ២០១៧ លោក វីល្លៀមធ្លាប់បានក្តៅស្លឹកត្រចៀកម្តងទៅហើយ បន្ទាប់ពីបានលឺ បណ្ឌិត សុខ ទូច និយាយឃ្លាប៉ុន្មានម៉ាត់នេះ ហើយក៏បានធ្វើឲ្យលោកមិនសុខចិត្តក៏មានសារឆ្លើយតបភ្លាមៗផងដែរ ដោយក្នុងនោះលោកបានសរសេរថា៖

"ខ្ញុំប្រឆាំងដាច់ខាតដែលលោកសុខទូចបាននិយាយថា ៖ «ប្រជាធិបតេយ្យអំណាចប្រជាជន គឺអំណាចនៅពេលដែលបោះឆ្នោត ចប់ពីបោះឆ្នោត គឺ មិន អាច មាន អំណាចអីទៀតទេ។ បើអំណាចគ្រប់តែគ្នា តើមានពេលណាដែលដឹកនាំ»

ដែលមានន័យថា ពួកយេីងជាពលរដ្ឋមានអំណាចតែពេលបោះឆ្នោតតែប៉ុណ្ណោះ ក្រៅពីពេលបោះឆ្នោតគឺពុំមានអំណាចសោះឡេីយ ខ្ញុំបាទសុំចាត់ទុកសម្ដីនេះថាជាចេតនា ប្រហារដ្ឋធម្មនុញ្ញ នឹងជាការជាន់ឈ្លីអំណាចប្រជាពលរដ្ឋ រដ្ឋធម្មនុញ្ញ ជំពូកទី ៤ អំពីរបបនយោបាយ មាត្រា ៥១ ថ្មី.- វាក្យខ័ណ្ឌ ២ប្រជាពលរដ្ឋខ្មែរជាម្ចាស់វាសនា នៃប្រទេសជាតិរបស់ខ្លួន។ វាក្យខ័ណ្ឌ ៣ អំណាចទាំងអស់ជារបស់ប្រជាពលរដ្ឋ។"

ទាក់ទងរឿងខាងលើផងដែរលោកក៏បានសរសេរសារប៉ុន្មានម៉ាត់បន្ថែមទៀតកាលពីព្រឹកមិញនេះ នាថ្ងៃទី២២ ខែវិច្ឆិកា ឆ្នាំ២០១៧ ដែលមានខ្លឹមសារថា៖ "សុខទូច ត្រូវយល់ សង្គមប្រជាធិបតេយ្យអំណាចទាំងអស់ជារបស់ពលរដ្ឋ មិនមែនពលរដ្ឋមានអំណាចតែពេលបោះឆ្នោតទេ កុំនិយាយអាឡេអាឡឺចឹងទៀត និយាយយូយូ រំលោភទាំងរដ្ឋធម្មនុញ្ញយ៉ាងគ្មានកេរខ្មាស ដេីម្បីទ្រជេីងក្រុមអ្នកនយោបាយ ហេីយបន្ទាបតម្លៃអំណាចពលរដ្ឋដែលជាម្ចាស់ប្រទេស ពលរដ្ឋមិនមែន គោ ក្របី ឆ្កែ ឆ្មាទេវេីយ កុំចង់ជិះសេះលែងដៃ"