ប្លែកទៀតហើយ!!!! ពិតជាមិននឹកស្មានដល់ថាពួកគាត់ហ៊ានធ្វើដល់ថ្នាក់នេះសោះ បាបធ្ងន់ណាស់ (មានវីដេអូដោះស្បង់ជីវចេញភ្លាមៗ)

សៀមរាប៖ ជនសង្ស័យពាក់ស្បង់ជីវជាព្រះសង្ឃ ចំនួន១៩នាក់និងក្មេងប្រុសម្នាក់ទៀត បានត្រូវសមត្ថកិច្ចនគរបាលខេត្តសៀមរាប ចាប់ឃាត់ខ្លួននិងដោះស្បង់ជីវចេញ បន្ទាប់ពីជនទាំងនេះដើរបិណ្ឌបាតហើយយកផ្ទះសំណាក់ធ្វើជាវត្ត។ ការចាប់ឃាត់ខ្លួននេះធ្វើឡើងនាព្រឹក ថ្ងៃទី១០ ខែមករា ឆ្នាំ២០១៨ ដោយដើរប្រមូលតាមបណ្តាទីសាធារណៈដែលជនសង្ស័យប្រព្រិត្តិ ហើយយកទៅដោះស្បង់ចេញនិងសាកសួរនៅវត្តថ្មី ក្នុងសង្កាត់គោកចក ក្រុងសៀមរាប។

សមត្ថកិច្ចក្នុងហេតុការណ៏ បានឲ្យដឹងថា ដោយមានការសំណូមពររបស់ព្រះអនុគុណក្រុងសៀមរាប ព្រះវិន័យធម៌ រួមទាំងធម្មការក្រុងសៀមរាបផង កម្លាំងសមត្ថកិច្ចបានដើរប្រមូល និងឃាត់ខ្លួនជនសង្ស័យបានចំនួន១៩នាក់ និងក្មេងប្រុសម្នាក់(កូនសិស្សលោក) ដែលកំពុងធ្វើសកម្មភាពបង្កភាពអនាធិបតេយ្យនៅទីសាធារណៈ។

បន្ទាប់ពី អនុគុណ និងធម្មការក្រុង/ខេត្តសៀមរាប ធ្វើការបកស្បង់ជីវ ហើយប្រគល់ឲ្យសមត្ថកិច្ចការសាកសួរ គឺពិនិត្យទឹកនោមរកសាធាតុញៀន រកឃើញជនសង្ស័យចំនួន២នាក់ មានផ្ទុកសារធាតុញៀន។

ចំណែក១៧នាក់ផ្សេងទៀត ត្រូវបានបញ្ជូនទៅការិយាល័យព្រហ្មទណ្ឌកំរិតធ្ងន់ ធ្វើការសាកសួរបន្ត។ ចំណែកកុមារាម្នាក់ ត្រូវកម្លាំងជំនាញបញ្ជូនទៅអង្គការ កល្យាមិត្តថែរក្សាជាបណ្តោះអាសន្ន។ ចំពោះចំណាត់ការយ៉ាងណាទៀតនោះ សមត្ថកិច្ចនៅមិនទាន់បញ្ជាក់នៅឡើយទេ ដោយកំពុងសាកសួរ៕